DEUX SAISISSEMENTS DE L'ÂME (en islandais)

TVÆR SÁLARKREPPUR (page 26)



Handa Vito Paolo Quattrocchi



„Megi vinalegt andlit þitt vera mér sýnilegt þótt ekki sé nema aðeins í dag.“

Heilög Theresa frá Lisieux

Mon chant d‘aujourd‘hui



I.

Milli tveggja sálarkreppa

hjúpar orðið orðið,

golan ornar golunni,

og kærleiksrík höndin teygir heiminn

langt inn í ystu atlot ljóðsins.



Og við erum ringluð, undrandi, heilluð

undir úfnum íbyggnum ýviðnum

í þéttri dimmblárri nóttinni,

leitandi að því sem hefst á vörum okkar

þögulli slóð á hraðferð

til hins óvenjulega, óþekkta, aldrei séða.



Og skyndilega er allt óspillanlegt, algleymi,

gullin gul birta

og ódauðlegur sætleiki.



II.



„Fleygðu möttli auðæva þinna

yfir fátækt mína

og meðalmennsku.“



Dhu‘l Nun al-Misri



Hver gæti elskað þig, Ó þú,

ótvíræða, takmarkalausa þekking ástar?

Innileg, djúp, leynileg eilíf þekking!



Ljóð byggt á svo mikilli þögn,

í svo mörgum einverum alsælu

þar sem rúbínrauður svali gosbrunna

silki bjarmi sumars

kristalsangan hárra rósarunna

vagga í viðsjálri dýrð sinni!



Hver gæti túlkað slíka hamingju,

sælu, holdlega fullnægju

í ilmandi júlíregninu?

Hver? Hver gæti þekkt með vor-gjósandi fingrum sínum

hvernig á að opna án þess að falla í ómegin, endanlegu Bók

blíðunnar?



Hver?

-------

Athugasemdir:

Heilög Theresa frá Lisieux (1873-1897) gekk í Karmelíta klaustrið í Lisieux þar sem hún fékk heitið Thérése de l‘Énfant Jésus et de la Sainte Face. Hún dó aðeins 24 ára gömul en auðmýkt hennar og einfalt líf ásamt hetjulegri þrautsegju varð til þess að hún var heiðruð af þremur páfum síðast Jóhannesi Páli páfa II árið 1997.

Dhu‘l Nun al-Misri (796-861) einn mikilvægasti fulltrúi Súfistanna.

Traduit en islandais par Hrafn Andrés Hardarson